申博Sunbet官网

恐怖活动无疆界 香港并非安全港

功夫茶唔係危言耸听o架,近日有印佣喺同乡聚脚点派发宣传单张,招揽喺香港工作嘅印佣加入伊斯兰国,并扬言加盟后会被派到内地新疆执行任务。据外佣组织透露,呢类招揽行动早喺两年前已经开始,最近更加有扩展迹象,负责游说嘅人愈嚟愈多,仲会举办神秘活动添,搞到外佣圈人人自危,担心恐怖势力入侵香港。

谂起都恐怖,极端组织喺香港招兵,容乜易将香港变成恐袭大本营o架?现时全港有十五万印佣,超越菲佣成为本地最大外佣人口,呢批印尼女佣长期喺异地打工,唔少生活枯燥,心灵空虚,好易被人乘虚而入,万一有人受唔住游说加入极端组织,分分钟变成社会嘅计时炸弹。先唔讲发动恐怖袭击吖,就算只係潜伏僱主家中,已经令人不寒而慄。试谂下,平日照顾你起居饮食、一家老幼嘅人,居然係思想偏激崇拜暴力嘅极端组织成员,吓都吓死喇。

讲到呢度,麻烦官老爷速速补镬,将伊斯兰国嘅渗透活动连根拔起,以免市民生活喺恐怖阴影之中。正如法律界人士话斋,虽然派发宗教宣传单张并不违法,但如有证据显示涉及恐怖组织,并打算在港策划恐怖活动,即属违法,警方应该进行彻查。嗱,功夫茶提醒港产官僚,恐怖主义犹如癌细胞,如果唔尽早遏止,就会不断扩散,一发不可收拾,到时盏爆大镬嘅咋。

话时话,就算香港暂时冇恐怖主义威胁,一样危机四伏,动荡不安。唔使讲其他,佔领落幕,又来光复,搞到满城风雨鸡犬不宁,就係典型例子喇。呢班激进分子虽然人数唔多,但胜在够暴力,够无耻,以反水货客之名,行暴力及港独之实,唔止见人就闹,见箧就踢,仲对途人拳打脚踢,连老弱妇孺都唔放过,简直走火入魔。有人形容佢哋係港版伊斯兰国,一啲都冇夸张。

其实,伊斯兰国打住为宗教献身嘅崇高旗号,做埋啲令人髮指嘅行径,固然无人性,本港搞事分子一样打着争民主、保本土嘅旗号,犯下不义暴行,根本係五十步笑百步。讲真,呢种不可理喻嘅盲目行为,同恐怖活动冇乜分别嘅咋。

无计喇,港府欺善怕恶,从来对搅乱香港嘅牛鬼蛇神都係心慈手软,迟迟唔起诉佔领行动黑手就知喇。再咁落去,极端组织唔使向印佣招兵,香港随时周街都係恐怖分子吖!